Kinderbiebel is n dik prentebouk vol mit biebelverhoalen dij kòrt en aansprekend verteld worden ien Grunnegers van distied, geschikt om veur te lezen en deur kinder zulf te lezen.
De waarme ploaten van Marijke ten Cate binnen kleureg en over haile brette van bladzie ofdrukt. Ze loaten ook oardegheden zain dij nait in t biebelverhoal veurkommen. Zo vertellen tekst en ploaten mit nkander t verhoal van scheppen, tot aan dag dat Jezus weerom kommen zel.
Wat Kinderbiebel echt hail biezunder moakt, is dat ter n 'luusterbouk' bie heurt - n spaigelploatje doar ale verhoalen op veurlezen worden. Veur grode mensken is ter achter ien t bouk ook nog n historische schets en n begrippenliest opnomen. Aal mit aal is dit bouk vol ploaten en verhoalen veur olders n hail mooi kedo veur heur kinder en n aanwinst veur opa's en oma's dij heur klaainkinder geern veurlezen.

Dizze boetengewone kinderbiebel is tot stand kommen in soamenwaarken mit Liudgerstichten, boukhandel Riemer, Jongbloed b.v. en t Nederlands Bijbelgenootschap.