Bernard Smilde hat op alderhanne mêden namme makke. As dominy, as bibeloersetter, as oersetter, berimer en dichter fan lieten, as komponist, útfierend musikus, musikolooch en hymnolooch wie er jierren warber en liet er as publisist fan him hearre.

Santjin promininte saakkundigen dy't mei Smilde gearwurke hawwe, jouwe yn fyftjin bydragen omtinken oan aspekten fan en ûntjouwings op de neamde fakgebieten en oan de ynfloed dy't Smilde dêrop hân hat. Mei trochdat efteryn syn hiele oeuvre yn kaart brocht is, ûnstiet in helder byld fan de geweldige betsjutting fan dizze soan fan Fryslân.

De kwalifikaasje 'tûzenpoat' yn de titel bringt de alsidigens fan Bernard Smilde ta útering en de oantsjutting 'trochsetter' ûnderstreket dat er syn ein net gau slûpe lit. Dêrtroch hat er in soad ynfloed hân, benammen op it mêd fan de Fryske earetsjinst, want hy wol him mei alle krêft dy't er hat, ynsette foar de tsjerke fan de Hear en foar de Hear fan de tsjerke.