De soldaat dy't weromkaam is ynspirearre op in ferneamd sechstjinde ieuske proses. It is de tiid fan godstsjinst-oproeren en folksopstannen. In jonge Súdfrânske boerinne, Bertrande, moat it al acht jier rêde sûnder har man, Martin Guerre, dy't him as soldaat ferhierd hat. Bertrande, al gau as widdo bestimpele en tróch ûnearbere on earbere foarstellen efterfolge, wit eare en goed bewarjen. Har deugd wurdt beleanne. De Martin Guerre dy't weromkomt, is net mear de ienselvige, wat rûge adolesint dy't se troude, mar in man dy't fan it libben hàldt, mei wa't se in tiid fan hertstocht en lok belibbet. Qant in twadde Martin Guerre opdûkt, in rauwe, ienskonkige oarlochsklant, dy't syn rjocht op erfgoed en op Bertrande wol tige oannimlik wit te meitsjen.