Zangeres Martijje is al een paar jaor vaste columnist van Zinnig. En met succes! De verhaolties over heur gezin met drie kleine kinder bint een feest van herkenning veur elke older, dat kan niet missen. Steeds te kort tied, steeds alles kwiet. En hoe speult ze ’t klaor um die lieve directeurties, zoas Martijje zeg, op te voeden tot aordige mensen? En dan wil ze het fijn hebben met man, familie en vrienden, en het liefst ok nog veul succes hebben met heur muziek. Pffff, rust, reinheiden in de maot...dat allent kan heur redden! Martijje (Grolloo 1979) is veural bekend worden as zangeres. En niet te vergeten, as zangeres van de Drentse taol. Heur eerstecd Drezz verscheen al met veul succes in 2009. Zoas zij zölf zeg: ‘Het Drents hef wat nuchters en relativerends en ik kan actuele onderwarpen net even wat zachter as in het Nederlands beschrieven.’ Martijje schref heur teksten en muziek zölf. Ze warkte saomen met het Huus van de Taol an verschillende projecten, zoas de drie Drentse kinderliedtiesalbums.